Фудбалерите на Академија Пандев со пораз ги започнаа контролните средби за пролетниот дел од првенството. Денес одиграа пријателски меч со Беласица Петрич во Бугарија каде загубија со 2:0 а на полувремето беше 1:0 за домашниот стостав
Според информациите ,,пандевци’’ одиграле слабо на гостувањето кај соседите. Југослав Тренчовски мечот го започнал со Чубракович, Јованов, Маневски, Гранчов, Костов, Темелков, Николов, Стокоски, Милованович, Пандев и Муеци а во второто полувреме шанса им даде на Купанов кој беше заменет со Муканов потоа Донов, Атанаскоски, Терзиев, Борисовски, Глигоров, Томовски, Танушев, Талаков, Крстевски, Парталко, Велиновски. Но за жал мрежата на Беласица Петрич останала мирна
,,Ова беше нашиот прв тест за да ги видиме нашите слабости кои излегоа на површина. Комбиниравме во двете полувремиња за да им се даде шанса на сите играчи на кои планираме. Одигравме слабо но се надеваме дека од меч во меч ќе играме подобро и подобро,, ни изјавија од стручниот штаб.
При крајот на ова недела Академија Пандев заминува во Анталија Турција каде ќе игра со рускиот прволигаш Балтика и тоа на 26 ти јануари. Три дена подоцна тест контролка ќе имаат со тимот на Спартак Суботица од соседна Србија. На 1 февруари ФК Академија Пандев ќе се сретне со Септември Софија, на 4 февруари е закажан тест со Ротор од Русија, а подготовителните средби ќе бидат заокружени со меч со туркменистанскиот тим Алтин Асир.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
