Астраионци на подготовки во Банско Бугарија, најавуваат подобар пласман во новата сезона, исклучиво со струмички деца

1761

Ракометарите на струмички ,,Астраион’’ веќе неколку дена се на подготовки во Банско Бугарија каде ја темпираат формата за новата првенствена сезона во која најавуваат подобар пласман од последната натпреварувачка сезона. Тие се едни од ретките прволигаши од земјава кои заминуваат на висински подготовки во странство.

Ракометарите кои во Бугарија треба да бидат во недела тренираат двапати на ден. Работат на зајакнување на физичката подготвеност но и воигрување на одредени тактики со оглед дека на прволигашкиот состав се приклучија неколку младинци кои ќе дебитираат во сениорскиот состав.

Според програмата по Бугарија, тренинзите продолжуваат во Струмица а веќе од септември ќе започне новиот прволигашки шампионат каде младите астраионци ќе ги предводат тренерскиот тандем Пандев и Пецанов.

,, На студии заминаа тројца играчи а како што е познато Васил Гогов замина во Вардар.Но од младата екипа се планираат уште 6-8играчи. На сениорите се приклучи и Васко Наков кој лани беше играч на Работнички. Плановите ни се влез во плеј офф и да направиме подобар успех од лани се разбира со струмички деца,, информираа од клубот кои во новата натпреварувачка сезона  ќе пријават екипи и во кадетска и пионерска конкуренција

За помладите категории школата ќе започне да работи од 1 септември а во пионерската категорија Астраион има талентирани 15 играчи на кои сериозно се смета во иднина

Астраион лани за малку не успеа да се пласира во плеј офот, но се покажа како тим кој знае да изненади многу поискусни тимови. Сепак фокус на овој ракометен прволигаш е да гради млади ракометари кои ќе бидат гордост на Струмица

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.