Општина Валандово ја почна реконструкцијата на 4 улици во градот со површина од 3 700 m²

1549

По склучениот договор со струмичката фирма Жикол, почна реконструкцијата на четири улици во Валандово која треба да заврши во рок од 4 месеци. Станува збор за улици, на кои според општинските власти живеат околу 400 жители кои треба да добијат поквалитетна инфраструктура но и нова водоводна мрежа.

Согласно склучениот договор ќе се реконструираат улиците ,,Борис Кидрич’’ со површина од 600 квадратни метри  ,, Едвард Кардељ’’ со површина од 925 квадратни метри  ,, Васил Главинов’’ со површина од 1000 квадратни метри  и улицата ,,Велко Влаховиќ’’ на површина од 1170 квадратни метри . Изведувачот ќе треба да го отстрани постоечкиот асфалт и да ги подготви улиците за ново асфалтирање, бетонирање на оштетените делови од тротоарските површини а паралелно ќе биде заменета и старата водоводна мрежа со нова.

Реконструкцијата на овие четири улици во Валандово чини околу 52 илјади евра кои ќе бидат платени од Буџетот. Ова беше најниската понудена цена откако  општина Валандово  распиша тендер за изградба и реконструкција на улици на кој се јавија 9 компании но струмичката Жикол достави најниска цена.

фото општина Валандово

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.