Општина Валандово деновиве склучи договор со фирмата ЈБТ Проинженеринг ДОО од Валандово за уредување на паркинг простор на улицата Моша Пијаде, како дел од проектот за проширување и уредување на централното градско подрачје. Ова фирма достави најниска понуда по објавениот оглас за јавна набавка за ова намена, на која се јавиле 4 фирми за градежните зафати за уредување на центарот на Валандово.
Договорот што е склучен помеѓу општината и локалната фирма изнесува 2 207 999 денаrи или околу 35 илјади евра. Според истиот градежните работи ќе започнат од воведување на фирмата во работа и треба да завршат во рок од два месеци а плаќањето ќе се врши по секоја реализирана ситуација.
Како што е наведено во техничката спецификација од договорот, фирмата изведувач ќе мора да да изврши уредување на просторот , отстранување на постоечкиот асфалт, рабници, демонтажа на постоечките канделабрите, дислокација и нивна повторна монтажа, поставување нов бекатон, монтажа на потопна пумпа за вода, монтажа на кружни рефлектори со снобно светло, монтажа на лед светилки.
,,Сакаме да го вратиме животот и духот на центарот на Валандово. Од таа причина планираме да го отвориме плоштадот со потенцирање на двата јавори, споменикот на загинатите од земјотрес кој ќе биде и соодветно осветлен. Планираме да ја прошириме улицата ,,Моша Пијаде’’ која ќе се проширува и ќе се отворат нови паркинг места. Паралелно целиот овој простор ќе има нови зелени површини, урбана опрема а со реализацијата на овој проект планираме да инсталираме и ново улично осветлувње на соларна енергија,, изјави градоначалникот на Валандово Перо Костадинов кога го најави целиот проект
Центарот на Валандово ќе добие нов модерен и функционален лик, општината ја почна постапката за уредување и реставрација
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
