Ансамблот Распеани Валандовчани својот годишен концерт што ќе го одржат на 19-ти ноември ќе го посветат на Јанко Узунов еден од најпознатите валандовчани кој остави силен печат на македонската музичка сцена. Узунов кој го нарекуваа и како ,,момчето со мандолина’’ зад себе остави повеќе хитови што како интерпретатор што како автор, имаше голем број настапи на фестивали и добиено повеќе награди
Основач е на Естрадна школа – УЗУН и преку работа во истата има музички образовано стотици млади таленти од нашата држава. На концертот, за ликот и делото на Јанко Узунов ќе се обратат неговите соработници Ванчо Тарабунов, Никола Фириев, Горан Алачки и Валентина Ѓоргиевска Парго.
Свој настап ќе имаат неговата сопруга Жаклина Узунова, Александра Станковска од УЗУН – Естрадна школа и домаќините Распеани Валандовчани. Настанот ќе се одржи на 19.11.2021 год. (петок) во 19:00 часот, во Кино Сала – Валандово. Влезот е слободен.
Јанко Узунов е роден во 1951 година во Валандово, а музичката кариера ја почнал во почетокот на седумдесеттите години од минатиот век со првата снимка, „Магдалена“, песна на Димитар Масевски. Беше познат како „момчето со мандолината“, според хитот што во 1976 година го испеа со Цветанка Ласкова на фестивалот во Опатија.
Последните години Узунов беше посветен на работата на своето приватно училиште по гитара „Узун“. Јанко Узунов во 2010-та година прослави 45 години од својата успешна кариера. Почина на 24 август 2014 та на 63 годишна возраст
Денеска во 63 година од животот ненадејно почина музичарот Јанко Узунов додека бил во Берово на семеен одмор.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
