Ново партерно уредување и оформување зелен појас околу радовишкиот Јавор кој ќе добие и нова ограда

919

Како дел од проектот „Културно – Историското наследство е нашето богатство“ кој во партнерство со општина Радовиш го спроведува Граѓанскиот Креативен Центар “КРЕА” – денес започнаа градежните активности околу радовишкиот Јавор.

Со проектот е опфатена непосредната околина на јаворот заедно со паркот и со дел од крстосницата на улиците Гоце Делчев и Јавор. Постоечката ограда околу дрвото заради ослободување на коренот ќе биде отстранета и истиот повторно ќе биде ограден со стилизирана метална ограда со јаворови листови а во рамките на паркот е предвидено ново партерно уредување и ново оформување на зелен појас.

,,Од наша страна и од страна на изведувачите, до граѓаните и учесниците во сообраќајот упатуваме апел за трпение, внимателност и соработка, со цел навремено и успешно да се заврши овој значаен проект за подобрување на туристичката понуда. Заеднички да му дадеме значење на еден од нашите највредни природни реткости и историско наследство – Радовишкиот јавор,, стои во информацијата на општина Радовиш.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.