Опозициската ВМРО-ДПМНЕ обвини дека во гевгелиска градинка имало брутално насилство врз десетмесечно бебе, а првиот човек на градинаката сакала да го забоштои случајот. Како што подвлече пратеничката Ангелина Митева бебето со тешки повреди завршило го гевгелиската болница.
,,Во вторникот, 22 ноември годинава, во детската градинка „Цветови“, во Гевгелија, се случи брутален инцидент, а 10-месечно бебе заврши во општата болница во Гевгелија со тешки телесни повреди и хематом на главата,, кажа Митева
Директорот на гевгелиската болница Димитар Крџев потврди дека завчера било примено десетмесечно бебе на преглед кај кое биле констатирани лесни повреди
,,На десната страна од образот и носот се гледаа лесни гребнатинки и мало црвенило. Се заклучува дека се работи за лесни телесни повреди, затоа не е примено во болница и пуштено е дома со совет без конкретна терапија ,, вели д-р Крџов
Првиот човек на градинката во Гевгелија Елизабета Стефаноска ни изјави дететето се здобило со лесни повреди во игра со други деца за што биле запознаени и неговите родители.
„Кај детето нема тешки телесни повреди. Детето е повредено во игра со други деца. Нема насилство од било кој вработен врз детето. За случајот е информирано и МТСП а од правен аспект отворена е постапка,, ни изјави директорката Стефановска
Од министерството за труд и социјална политика соопштија дека биле информирани за случајот и најавија дека во градинката ќе се спроведе вонреден инспекциски надзор со што ќе се утврди фактичката состојба за настанот.
Настанот денеска е регистриран и во полицијата каде родителот на детето Т.Н. (24) од село Брајковци, валандовско пријавил дека вработените во градинката на 22 ноември ја запоставиле својата должност и ја оставиле неговата 10 месечна ќерка без надзор кога се здобила со повреди.Како што е пријавено, за ова вработените не го известиле него, ниту пак детето го однеле во медицинска установа за укажување помош.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
