Родителите не ги пуштија децата да влезат во училиштето Димитар Влахов во Струмица на квалификационо тестирање за образовниот профил медицинска сестра од здраствената струка. Таму за 34 те слободни места конкурирале над 50 деца од кои 39 се со целосен одличен успех и според објавениот конкурс денеска требаше да има тестирање, но тоа не се случи.
Попусти беа обидите на директорот на училиштето, децата да влезат на квалификационо тестирање, бидејки од министерството за образование немаат зелено светло да запишат повеќе од дозволеното за ова година, за овој образовен профил.
Родителите уште во саботата најавија бојкот на тестирањето и побараа да бидат примени сите 39 ученика идентично како и минатата година кога беше дозволено упси на неколку деца повеќе. Тие се повикаа на гимназијата Орце Николов во Скопје каде биле запишани плус 16 деца повеќе без да има тестирање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
