Младите со искрени силни пораки од ,,Гевгелија на точак’’ – 400 велосипедисти возеа за чиста Гевгелија

1867

Околу 400 велосипедисти млади и стари возеа по улиците на Гевгелија во рамките на  дефилето ,, Гевгелија на точак’’ организирани од здружението Changemakers4all со цел да се упати порака до сите, место автомобили да се користат велосипедите повеќе и на тој начин да се сочува животната средина во Гевгелија

Најкреативни беа младите гевгеличани кои на хамер хартија испишаа искрени пораки. ,, Возењето велосипед е половина здравје’’, ,,Возењето нека биде успех за сите’’,  ,,Сакај ја природата таа ќе ти врати’’,  ,, Засади дрво, засади свет’’ , се само дел од пораките кои младите ги испишаа на крајот од дефилето од пет километри кое започна  кај старото собрание на градот на улицата Маршал Тито

,, Ние како здружение сме тука да направиме промени и да ги поврзуваме луѓето. Денеска имаше дружење и забележавме дека на народот му недостасуваа сплотеност и дружба, надвор од секојдневните случувања и информации. Не радува фактот што имавме многу деца кои на хартија(хамери) праќаа пораки до нас возрасните за нивната иднина и каков град сакаат,, ни изјави Марина Томова од од здружението Changemakers4all

На ова манифестација се приклучија и жители од Богданци со нивните деца. Тие за овој настан возејки велосипеди дојдоа во Гевгелија и како што кажа Томова извозеле најдолга рута а станува збор за 5 годишно девојче и 7 годишно момче кои исто така упатиле порака дека возењето велосипеди е здраво за човечкото тело и не се загудва животната средина со издувните гасови на автомобилите.

Инаку дефилето ,, Гевгелија на точак’’ е дел од активностите со кои општина Гевгелија го одбележува Денот на ослободувањето 7 Ноември

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.