По пауза од една година заради пандемијата, денеска во Валандово се одржа 21 то издание на манифестацијата ,,Валандовска ракијада’’. На истата учествуваа 20 тина натпреварувачки тимови а се печеше и ракија од калинка. Браќата Ристе и Душко Гошевски направија ракија од калинка која како што се кажа на самата манифестација има посебен шмек и вкус.
Според жирито најдобра ракија од винова лоза направија Ѓорѓи Пандев и Никола Смиланов, второто место им припадна на Марјан Ташков и Слободан Џилвиџиев а третото на Ѓорги Дончев и Константин Гетов. Наградите им ги врачи градоначалникот на Валандово Перо Костадинов која подвлече дека настанот има голема култоролошка важност за Валандово кој ја отсликува посебноста на заедницата и ја симболизора валандовската семејна традиција.
,,Ова е настан кој обединува и сплотува. Испраќаме пораки за заедништво, важноста на фамилијата и негување на вредностите наследени од нашите предци,, објави Костадинов
Валандовската ракијада е дел од одбележувањето на празникот на Валандово 6 ти ноември. Вечерва се доделија и 6 то ноемвриските награди а највисокото признание отиде кај КМФ Проект од Јосифово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
