Новото болничко крило на струмичката болница треба да биде ставено во функција наесен. Нредниве месеци ќе се доопремува новиот дел кој после 40 години изградба конечно ќе биде ставен во функција. Вака кажа премиерот Христијан Мицкоски откако изврши увид на болничкото крило каде треба да бидат сместени повеќе одделенија.
,,40 тина години се чекаше за оваа и сега следи мало доопремување кое треба да се случи до крајот на август и на почетотот на септември објектот да биде ставен во фунцкија“ кажа премиерот Мицкоски
Во новиот болнички крак каде има осум операциони сали се планира да бидат сместени хируршките одделнија како што е хирургија, гинекологија,урологија, очно и ортопедија со траумотолгија. Премиерот Мицкоски најави и други инвестиции во здравството.
„ И во таа насока ќе продолжиме и во периодот којшто следи, завршена е јавната, односно оној процес на барање на меѓународни финансиери за проектите коишто исто така се почнати како што е Клиничката болница во Штип, заедно со студентскиот дом и новата зграда на Медицинскиот факултет. Потоа зградата во Кичево, здравствениот дом заедно со проширената дејност таму и Клиничката болница во Тетово, а веќе во некоја следна фаза размислуваме и го развиваме проектот за голем клинички центар во Скопје на локација за којашто веќе зборувавме“, рече Мицкоски.
Струмичката болница опслужува над 200.000 граѓани од Струмица и околните општини, а со овој проект значително се подобруваат здравствените услови во регионот. Досега во објектот се инвестирани над 4,5 милиони евра. На денешниот увид пристутен беш и министерот за здравство Азир Алиу, директор на Фондот за здравствено осигурување Сашо Клековски и бројни претставници на лекарската фела.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
