Деновиве на Youtube каналот беше промовирана песната ,,Химна на Владимирово’’ во интерпретација на Ленче и Горан Кукиќ кои низ стиховите упатуваат порака до жителите на ова населеното место кај и да се за Илинден дома да се во Владимирово. Станува збор за песна авторско дело на Горан Алачки кој се потпиша на музиката и аранжманот а заедно со Камелија Левенска и текстот.
Песната е промовирана со видео запис изработен од ,,Showtime’’ од страна на Кире Пиличев и Ѓорѓи Кончалиев кои одлично ја доловија местоположбата и убавината на ова малешевско населено место, вклучувајки го живописниот пејсаж но и старите градби кои се препознатлив белег на Владимирово. На тој начин изворно го пренесоа живото во ова населено место.
Во песната доминираат изворни инструменти а силните вокали на Ленче и Горан ја доловија замислата на авторот Алачки да се упати порака до сите владимерци низ државата и светот за празникот Илинден дома да се.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
