Лајонизам – добрина покажана на дело а членовите работат под мотото ,,Служиме’’

491

Лајонс и лео членовите на клубовите од Дистрикт 132, за прв пат, го одбележаа Националниот Лајонс Ден во Македонија. На Градскиот парк кај Школка, со присуство на семејствата, пријателите и со сите хумани луѓе, се славеше хуманоста, преку дружба и забава. Забавата ја збогатија DJ Andrey, лајон Пламенка Трајковска на виолина и беа организира низа забавни и хуманитарни активности.

Според гувернерот на Лајонс дистрикт 132, д-р Весна Пацаноска, „кога ќе се здружат добри луѓе заедно и ќе преземат акција за да го подобрат животот во својата заедница, тоа е добрина покажана на дело. Тоа е Лајонизам. Над 1.4 милиони луѓе низ светот со 50.289 клубови се дел од оваа приказна. Да се биде дел од Лајонс клубовите, значи да се градат пријателства, да се биде позитивен пример и да се подобрува светот во кој живееме“.

Пацаноска ги повикува сите хумани луѓе да се вклучат во семејството на лајонизмот.

Во паркот беше поставена кутија за донации и секој граѓанин кој донираше доби лајонс приврзок и брошура. Собраните пари од донацијата при одбележување на првиот Национален ден ќе бидат донирани во Државното училиште за рехабилитација на деца и младинци со оштетен вид „Димитар Влахов“ Скопје. Исто така, беа пуштени 30 сино-жолти балони во боите на Лајонизмот, симбилична бројка согласно бројот на лајонс клубови во земјава.

„Годинава, лајонсите од Македонија прават толку многу акции, уриваат рекорди, како ретко која лајонистичка година. Имаме пријавени 275 акции во базата, што е само 42% од реализираните акции. Нашиот дистрикт е трет во Европа во однос на пораст на членство. Исклучително успешна година. Заслуга на членовите, заслуга на посветеното лидерство. Најголема гордост за еден Гувернер е да води ваков дистрикт. Среќата расте ако се споделува и колку повеќе помош од срце даваме, толку повеќе љубов ни се враќа“, вели Пацаноска.

Во Дистрикт 132 постојат 30 Лајонс клубови и 8 лео клубови, а лајонизмот како движење во земјава постои повеќе од дваесетина година. Основната клетка на лајонизмот е секој член, кои се организирани во клубови низ целиот свет. Клубовите се дел од една голема меѓународна фамилија Lions Clubs International, асоцијација која постои 105 години од 1917 година, со седиште во Чикаго, САД. Таа е најголема светска асоцијација на сервисни клубови и во 2007 година, според “Форбс”, е прогласена за најдобра меѓународна невладина организација. Секој клуб може да добие грант од лајонс фондацијата (LCIF), кој ќе се искористи за да се помогне таму каде е најпотребно.

Лајонсите се наречени ”Витези на слепилото” и помагаат во пет области: вид, глад, детски канцер, дијабет и животна средина. Мотото на лајонсите е: “СЛУЖИМЕ” (We serve).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.