КУД ,,Сушевски бисери” од населеното место Сушево општина Василево кој со години го негува традиционалниот македонски мелос но и ора, во понеделник на 25 април на вториот ден од големиот христијански празник Воскресение Христово-Велигден, организира фолклорен концерт. Концертот кој е насловен ,,Во чест на големата радосна вест” ќе биде под покровителство на Општина Василево а на истиот се очекува да присуствуваат повеќе културно уметнички друштва
Концертот или фолклорните смотри ќе се одржат на одбојкарското игралиште во Сушево а свое учество најавија ФА „Китка“, с. Ораовица, КУД „Кирил и Методи“, с. Иловица, ФА „Злевски бисери“, с. Злеово, ФА „Подарешани млади“, с. Подареш, ФА „Бучим“, Радовиш и Оркестар за народни инструменти при ООМУ „Боро Џони“, Струмица.
Сите тие треба ќе изведат свои кореографии кои го отсликуваат македонскиот фолклор низ вековите.
КУД ,,Сушевски Бисери” функционира веќе неколку години и досега има учествувано на повеќе фолклорни смотри во земјава. Тие се вистински репрезент на македонската традиција посебно ако се има во предвид дека друштвото го сочинуваат млади лица кои ја негуваат македоснката песна и ора.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
