Облечени како Титови пионери, членовите на бендот ,,Yu For You’’ од Струмица го најавуваат својот прв официјален концерт кој ќе биде со хитови од екс ЈУ просторите. Го закажаа на Денот на Републиката на поранешна СФРЈ – 29 ти Ноември. На ова дата во големата сала при НУЦК Антон Панов, бендот во состав Иван Кукиќ, Зоран Трендов на гитара, Иван Георгиев на клавијатури и Ѓорѓи Ѓоргиев на тапани заедно со пратечките вокали Тони Крстев и Тодор Стефанов, најавуваат незаборавна вечер каде ќе се свират и пеат хитови кои ги сакаат и стари и млади
,, Веќе две години функционира составот ,,Yu For You’’ и полека но сигурно после многубројните настапи се создаде една публика што едноставно не ги пропушта нашите настапи, па така, како што минуваше времето се роди идејата да направиме концерт и да ја исполниме и нашата желба и желбата на публиката што веќе долго време ни дава мотивација за да го правиме тоа најдобро што можеме. На репертоарот ќе бидат хитови од Леб и Сол, Индекси, Бјело Дугме, Бајага, Парни Ваљак, Тајм, Смак, Кербер и многу други,, изјави за Дрнка.МК Иван Кукиќ член на бендот Yu For You
Концертот се очекува да трае околу час и половина. На сцена членовите нема да излезат во црвени марами и сини капи како пионери како што го најавуваат концертот, туку како што вели Кукиќ ќе било изненадување за публиката. Тој сака публиката да ужива и сите заедно да ги пеат хитовите кои оставија печат на едно минато но сеуште се актуелни и во денешно време односно безвременски песни
,,Посебни очекувања пред време немаме, се разбира се надеваме на успешен концерт и на добра публика која ќе пее со нас. Засега планираме само еден концерт но не ја исклучуваме можноста да планираме и други, но тоа се зависи од многу други фактори и од времето ,, вели младиот Кукиќ кој потенцира дека концертот ќе се реализира согласно препораките односно ковид мерките за одржвуање на настани во затворено.
Билетите за концертот се продаваат во Record Pub, Coffee Club Stay, Butler’s Coffee Bar и Mala Scena.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
