По денешниот мирен протест во Муртино каде земјоделците го изразија своето незадоволство од ниските откупни цени на куртовската капија, за утре членовите на Здружение Млади Муртино најавија двочасовна блокада на патот Дабиле – Босилово пред крстосницата кај Робово.
„Блокадата ќе започне во 10:30 часот и ќе трае два часа. Со овој протест бараме итен и сериозен состанок на кој ќе присуствуваат министерот за земјоделие Борче Серафимовски, претставници на земјоделците (производителите), како и претставници на фабриките. Целта е да се најде трајно решение и да се постигнат фер, одржливи и перспективни откупни цени за црвената пиперка.“, стои во известувањето од ова здружение
Тие денеска кажаа дека цената од 25 денари за килограм „ајварка“ е понижувачка која не ги покрива производствените троошоци , посебно оваа година кога земјоделците претрпеа поплави а ги спасуваа пластениците од јулскиот силен ветар кој предизвика штети.
Доколку нема среда со ресорниот министер Борче Серафимовски земјоделците протест најавија и во сабота со блокада на централното градоско подрачје на Струмица односно семафорите кај ГТЦ Глобал. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
