Елката во Радовиш не е украдена, напротив фирмата што ја постави си ја демонтираа оти немаше договор со општината и ме уценуваа за вредноста. Вака соопшти градоначалникот Ацо Ристов откако вчера го снема новогодишниот декор во градот а со тоа и Новогодишната елка. Првиот човек на Радовиш не сакаше да ја именува фирмата која го уценувала за вредноста на договорот и на своја рака си го украсувала градот во ,,пет до дванаесет”. Неофицијално побарале 7 илјади евра за украсувањето иако долго време општината ја чекала нивната понуда.
,, Пробаа некои структури од историјата нананзад кои фунцкионирале и испумпувале пари од буџетите општините, да го сторат и ова година. Има во државата организирани две-три компании кои по систем на одложување и недавање понуди, доаѓаат и инсталираат нешто и после ти доставуваат фактури. Ти викаат или ќе ја платиш или ние ќе го раскрасиме градот, едноставно пробаа мене да ме уценуваат. Неможе мене никој да ме уценува, прво јас такви пари за такво украсување нема да давам ниту ќе дозволам. Затоа им реков соберете си, се што сте направиле а јас ке го украсам Радовиш со донации,, ни изјави Ацо Ристов градоначалник на Радовиш кој кажа дека во рок од два дена Радовиш ќе биде украсен со поддршка и донации и за таа намена општината нема да потроши ниту денар.
Како што најави место една сега ќе бидат поставени пет новогодишни елки а ќе се реализира и новогодишна програма со различни манифестации посветена на радовишани каде настапи ќе имат повеќе уметници за ширење на позитивна енергија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
