Голем број македонци се собраа на хуманитарната забава што Македонското добротворно друштво ,,Пирок’’ ја организираше во Паерн Швајцарија минатиот викенд за двојниот празник Св. Трифун и Св Валентин. Таму со купување слатки изработени од вредните домаќинки се собираа средства за помош на болни лица во земјава. Станува збор за акција иницирана од членовите на друштвото Пирок но и домакинките Македонка Ѓеоргиева, Ванѓа Јанева, Тона Ѓеоргиева, Билјана Јованова, Вилма Јованова и Кети Јанева кои мотивираа други 40 тина македонки да донесат традиционални рецепти .
Под мотото ,,Подари љубов’’ биле понудени и продадени повеќе видови разновидни слатки и рецепти на пристуните гости при што биле собрани околу 3140 швајцарски франци. На ова сума, друштвото Пирок донираше уште 1860 швајцарски франци за да на петте лица од Македонија на кои им е потребна помош да се доделат по илјада швајцарски франци. Станува збор за лицата Владимир Грчев и Ѓорги Трајков од Струмица, Лука Јовановски од Скопје, Павел Стојановски од Свети Николе и Ева Колоска од Охрид кои доставиле барања за финансиска помош до ова друштво.
На забавата приустните гости ги забавуваа Анета и група Молика, Џамбо со оркестарот Агушеви, музичкиот тандем 2 Бона но и диџеи. Свој настап имаа и членовите на КУД Св. Наум Охридски од Тринген кои презентираа традиционални македонски ора. Се пееа македонски песни а се играше до раните утрински часови. Во организацијата на забавата учествувале околу 70 членови на МДД Пирок од кои доминирале младите кои помогнале во секоја аспект на добрата организација
Инаку МДД Приок лани и годинава има реализирано три хуманитарни забави при што од продажба на слатко благодарение на вредните домакинкки како и од продажба на влезници биле собрани околу 20 500 швајцарски франци коисе распределени на повеќе лица на кои им треба помош во Македонија. Тие за ноември ова година по повод јубилејот 20 години постоење Пирок ќе организираат нова голема хуманитарна забава со настап на повеќе естрадни имиња
Фото МДД Пирок
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
