Британската амбасадорка во земјава Рејчел Галовеј која е во работна посета на општина Струмица, ги поздрави струмичките основци кои денес се вклучија во еко акцијата за собирање на пластични шишиња од своите домови и училишта. Имено ученици од четири основни училишта ги собраа пластичните шишиња и ги складираа во поставените корпи на струмичкиот плоштад, при што упатија порака дека отпадот треба да се селектира. На тој начин тие учествуваа и во наградната игра за добивање подароци од британската амбасада која со ЕД ,,Планетум” ја реализираа ова акција.
Амбасадорката им упати благодарност но и ги награди со скромни подароци основците кои по пат на лотарија ги извлече а учествуваа во еколошката акција. Со дел од нив и се фотографираше. Им порача дека треба да се грижат за својата средина и да го селектираат отпадот бидејки на тој начин придонесуваат и во борбата против климатските промени.
,,Дали сакаме место риби во океаните и морињата да има пластични шишиња ? Им требаат векови да се разложат. Затоа треба секој да води сметка и да даде свој придонес во чувањето на нашата планета,, рече амбасадорката Галовеј која на децата им се обрати на македонски јазик.
Акцијата се спроведе во соработка со еколошкото друштво „Планетум“ од Струмица. Александар Лазаров истакна дека и покрај многуте апели, граѓаните и натаму не селектираат отпад и побара од надлежните конечно да постават корпи за селекција во Струмица.
„Потребна е контуинирана едукација, но и поставување корпи, каде граѓаните ќе можат да ја складираат пластичната амбалажа што може да се рециклира. Овие шишиња што се собираа во соработка со четири основни училишта ќе се предадат во откупен центар, а парите ќе ги поделиме на лица со попреченост“, рече Лазаров.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
