Првиот човек на Струмица Костадин Костадинов на Фејсбук објави дека денеска на неколку дечиња им подари скејтови со кациги за безбедно користење на скејт паркот кој беше ставен во функција минатата недела. Како што стои во објавата скејтови и кациги добија десетина дечиња кои биле на отворањето на паркот а најави дека идната недела на средба ќе израдува и други дечиња .
„На гости ми дојдоа момчиња и девојчиња кои пред неколку дена присуствуваа на свеченото отворање на првиот струмички „Скејт парк“, на кое подарив десет скејтови со кациги на исто толку дечиња. На останатите им закажав понеделничка средба во општината, со ветување дека и тие ќе добијат такви подароци. Речено – сторено. На радоста и немаше крај. Тие радосни, ама радосен и јас, особено по многуте нивни убави зборови за новиот прекрасен „Скејт парк“. На дечињата им ветив уште многу убави содржини во Струмица, наменети ним и на нивните врсници“, напиша на Фејсбук градоначалникот Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
