До крајот на годинава струмичко Вељуса ќе добие фекална канализација од 7 километри

1268

Во струмичко Вељуса интензивно се работи на изведба на фекална канализација. Таму градежни екипи на скопската фирма ,,Коп инженеринг’’ ги поставува канализационите линии кои според склучениот договор треба да бидат во должина од околу 7 километри кои според техничката спецификацијата треба да бидат со ПВЦ глатки цевки произведени по DIN EN 1401 со крутост на прстенот SN4. Од општина Струмица информираа дека до крајот на годинава треба да заврши овој капитален проект

,,Во населеното место Вељуса во тек е изградбата на фекална канализација во должина од 7 километри. Изведувач на работите е скопската фирма „Коп инженеринг“, а истите треба да завршат до крајот на оваа година. Со реализацијата на овој проект се решава голем проблем за жителите на ова населено место’’ стои во информацијата од општината

Целата инвестиција изнасува 307 илјади евра а плаќањето ќе се врши во рок од 60 дена по секоја завршена времена ситуација. Општина Струмица средствата ги обезбеди преку Агенцијата за финансиска поддршка во земјоделството и руралниот развој.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.