Агенцијата за млади и спорт ја објави листата со дополнителните ваучери за финансиска поддршка на спортските клубови во државата. Станува збор за дополнителни 6 милиони евра кои може да ги искористат федерациите, клубовите и индивидуалните спортисти за омасовување и постигнување врвни резултати. Дополнителните ваучери беа најавени при крајот на септември, откако дел од спортските клубови од понизок ранг реагираа што не се опфатени со ова мерка
Станува збор за ваучери со кои клубовите може да добијат пари од стопански субјекти од данокот на добивка, кој треба да го платат на државата.Па место на државата да им бидат доделени на спортските клубови Овие дополнителни ваучери мора да се искористат до крајот на ова година.
Според објавената листа, ФК Академија Пандев од Струмица доби ваучер од околу 2 309 000 денари, ФК Беласица околу 1 415 000, ФК Кожув од Гевгелија 1 973 000, ФК Плачковица од Радовиш околу 900 илјади денари. Дополнителни ваучери добија и женските фудбалски клубови. Истатов од Дојран околу 270 илјади а Тиверија околу 167 илјади денари.
Според листата на АМС дополнителни ваучери добија и ракометните клубови од Југоистокот. Суперлигашот Радовиш 1 866 000 денари, прволигашот Астраион од Струмица околу 950 илјади, Младост од Богданци 905 илјади а Партизан од Гевгелија 814 илјади денари. Дополнителен ваучер доби и ЖРК Гевгелија од 301 илјада денари
Кошаркарскиот клуб Кожув од Гевгелија доби нов ваучер од околу 2 792 000 денари но и одбојкарските прволигаши од Струмица- Џио околу 689 000, Наковски Волеј 562 000 и Виктори Волеј дополнителен ваучер од околу 453 илјади денари
Кои се клубови добија дополнителни ваучери од АМС на следниов ЛИНК.
Инаку ова е втора транша финансиска подршка што државата им ја дава на спортските федерации, клубови и спротисти за ова година. Летово беше објавена листа со клубови со првата финансиска подршка, кога беа доделени ваучери само на клубовите кои беа во највисокиот ранг на натпреварување а кој колку доби тогаш може да се виде на следниов ЛИНК.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
