Две лица се тешко повредени во сообраќајка кај Стојаково откако вчера во раните утрински часови со патничко моторно возило Голф изгубиле контрола и се забиле во приватен објект. Како што соопшти МВР вчера околу 06,20 часот во полициската станица во Гевгелија било пријавено дека на локалниот пат с.Богородица-с.Стојаково К.П.(32) од с.Стојаково управувајќи патничко моторно возило „Голф“ со гевгелиски регистарски ознаки, изгубил контрола и удрил во објект сопственост на З.П. од с.Стојаково.
Во незгодата со тешки телесни повреди се здобиле К.П. и сопатникот В.П.(24) од с.Стојаково, кои биле пренесени во комплексот клиники „Мајка Тереза’’. Увид на местото на настанот извршиле јавен обвинител и екипа од Полициска станица Гевгелиja. Од МВР и понатаму апелираат до сите учесници во сообраќајот за почитување на сообраќајните правиле и прописи и прилагодување на возилото според условите на патот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
