Советот за развој на Југоисточниот плански регион на последната седница во Босилово на која присуствуваа градоначалниците на општините од регионот и Раководителот на Центарот за развој на Југоисточниот плански регион ги утврдија приоритетните проекти за за идната 2020 година. Градоначалниците едногласно одлучија идната година да се даде акцент на патната инфраструктура за поврзување на општините во овој дел на државата во функција на подобро сообраќајно поврзување и подобар економски развој.
Како прв приоритетен проект, градоначалниците го изгласаа проектот – Изградба на мост на река Турија, на локален пат Просениково – Сарај со вкупен буџет од 14.554.407 денари. Станува збор за мост кој е доста во лоша кондиција а кој ги поврзува општините Струмица и Босилово а за кој земјоделците и жителите на околните села
Втор приоритетен проект е изградба на локален пат од село Дамјан до село Погулево во должина од 1927 метри општина Радовиш со вкупен буџет од 16.169.776 денари додека како трет го изласаа проектот – Изградба на локален пат за поврзување на населените места Бориево и Колешино во општина Ново Село, прва фаза со вкупен буџет од 16.000.000,00 денари. На резервната листа е токму овој проект втора фаза.
Согласно утврдената листа, Центарот развој на Југоисточниот плански регион ќе аплицира до Бирото за регионален развој за нивно финансирање преку Програмата за рамномерен регионален развој за 2020 година
Пред присутните градоначалници, раководителот на Центарот Жулиета Ѓуркова имаше излагање во кое беа презентирани реализираните проекти од регионално и микрорегионално значење за Југоисточниот плански регион за периодот 2017-2019 година, а воедно се осврна и на проектите чија реализација е во тек.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
