Второлигашот Струмица ги најави амбициите за камбек во елитата, славеше и против Баскет Кам

1647

Кошаркарите на Струмица забележаа нова победа со која остануваат во игра за првата позиција во Втората Лига Исток. Во салата при СОУ Никола Карев славеа против Баскет Кам со 72:61. Ова е четврта победа за струмичани со која отворено ги најавуваат своите амбиции за враќање во елитата.

Струмичани лошо го почнаа мечот. Во првиот период имаа само три поени предност. До крајот на првото полувреме потфрлија и му дозволија на гостинскиот состав да се разигра и да дојде до предност. Првото полувреме го добиј Баскет Кам со 32:27 откако избраниците на Зетов, Цикарски и Настев потфрлија во одбраната.

Во второто полувреме екипата на Струмица сврте нова страница. Ја стегна одбраната, успеа да реализира неколку контранапади а проработе и шутот за три. Третиот период струмичани блескаа на теренот. Ја анулираа предноста на гостите и дојдоа до плус 9 кои до крајот на средбата ја оддржуваа за да на крај слават со 72:61

Најефикасни во екипата на Струмица беше  Драган Абрашев со 22 поени, Тодор Божинов постигна 18 а Блаже Димитриев со 14. Поени постигнаа и Макенаџиев, Динев, Ѓоргиев. Следното коло струмичани играат во гости против екипата на Спарта од Скопје по нова петта победа.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.