Основното јавно обвинителство од Струмица информираше дека ќе постапува по три случаи за кои има добиено известување дека се извршени изборни поткупи од страна на лица на една политичка партија.
Како што соопштија од Обвинителството денеска до нив било е доставено известување дека лицe на бензиска станица во Василево нудел ваучери за гориво за да се гласа за определена политички партија. Обвинителство издаде наредба за обезбедување видео камерите и видео записите за да се утврдат фактите и да се превземат понатамошните дејствија.
До струмичкото основно јавно обвинителство се пристигнати известувања за изборен поткуп кои се случиле во текот на вчерашниот ден. Наводно синоќа околу 21 часот лице во населеното место Добрашинци нудело пари за да се гласа за одредена полтичка партија а вториот случај во населнтоо место Дражево каде околу 22 часот лице вработено од Центарот за социјални работи вршело агитација со закани да се гласа за определена политичка партија
По сите известувања се постапува итно и со приоритет, согласно насоките дадени од Комисијата за следење на евентуални нерегуларности поврзани со извршување на кривични дела од Глава шеснаесет – Кривични дела против изборите и гласањето од Кривичниот законик
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
