Во сабота на 8-ми Октомври на плоштадот во Струмица ,,АГРО САЕМ СТРУМИЦА 2022”

1480

Здружението „Проагро Фармери” од Струмица во сабота на 8 октомври на плоштадодт Годе Делчев со почеток во 11 часот организира саем на отворено на кој ќе земат учество голем број чинители од агро секторот во Македонија каде што ќе бидат презентирани најновите достигнувања во агро индустријата. Целта е како што соопштија од здружението на едно место да се сретнат сите кои се занимаваат со земјоделство, да разменат искуства но и да изградат можности за соработка во иднина.

,,Главна цел на саемот е презентирање на здрави и квалитетни производи, нови технологии и механизација за обработка на земјиштето, презентирање на нови видови на семињa, ѓубрива и заштитни средства, избор на највкусен мед како и презентирање на можностите за руралниот туризам.На саемот учество ќе земат земјоделски производители, голем број пчелари, производителите и трговци со амбалажа, алати, опрема, машини и механизација, производители и дистрибутери на семе и саден матријал и хортикултура,, ни изјави Борис Јанев од здружението Проагро Фармери

Во рамките на саемот ќе се одржи и панел дискусија на тема “Иднината на Македонското земјоделие” на која збор ќе земат Градоначалникот на Општина Струмица, претставник од министерството за земјоделие и Претседателката на федерацијата на фармери  а дополнително ќе има и стручни предавања од областа на градинарството и пчеларството

,,Најнапред од панелистите очекуваме да дадат нивно видување за моменталната состојба во земјоделието и нивните сегашни активности. Потоа да дадат нивни предлози за подобрување на сегашната ситуација и на крај да дадат нивно видување за насоките на каде треба да се движи македонското земјоделие во иднина,, вели Јанев

Саемот ќе има и натпреварувачки дел, односно ќе биде организиран избор на “ Највкусен мед “ каде што пчелари од цела Македонија ќе учествуваат на натпреварот со свои примероци на мед.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.