Директорот на Платежната агенција Никица Бачовски дека денеска заедно со Државниот советник при МЗШВ Трајан Димковски, раководителот на подрачната единица во Валандово Васко Камчев како и градоначалникот Перо Костадинов имале средба со земјоделците од населеното место Балинци. На средбата како што објави Бачовски е соопштено дека почнала исплатата на средства од интервентниот фонд за производителите на зимска зелка.
,,22 милиони денари добија 476 производители на зелка од кои 353 се од валандовскиот регион, а за нив се одвоени близу 13 милиони денари “, соопшти Бачовски кој информира дека во подрачната единица на МЗШВ во Валандово почна доделувањето на картичките за зелена нафта на земјоделците.
Според евиденцијата картички за зелена нафта ќе добијат околу 1310 земјоделски стопанства од валандовскиот регион а на територија на целата држава ќе бидат доделени близу 49 илјади платежни картички со вкупна вредност од 275 милиони денари наменети за точење на дизел гориво за земјоделската механизација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
