Во Ангелци годинава ќе се гради детска градинка со капацитет од 55 деца, општина Василево потпиша договор со МТСП

2269

Ова година треба да започнат работите за изградба на детска градинка во населеното место Ангелци која ќе има капацитет од 55 деца. Градинката ќе се гради во кругот на подрачното основно училиште Гоце Делчев за што при крајот на минатата година Општина Василево и Министерството за труд и социјална политика потпишаа договорк за соработка. Според информациите деновиве е распишан тендер за избор на изведувач кој трае до 31 јануари, по што ќе се знае фирмата што ќе ја гради детската градинка преку Министерството за труд и социјална политика во населеното место Ангелци.

Според проекциите, градинката во Ангелци треба да биде готова за околу 16 месеци од денот на воведување во работа на изведувачот но и да биде целосно опремена. Таа ќе чини околу 14, 5 милиони денари што Владата ги има обезбедено преку Светска Банка. Околу 12,5 милиони ќе бидат наменети за изградба на градежно-занаетските работи а 1,9 милиони денари ќе бидат за опремување. Истата треба да биде за згрижување на децата од предучилишна возраст од населените места Ангелци и Градашорци.

Како што стои во договорот до кој дојде Дрнка.МК, Општина Василево треба да ги обезбеди сите потребни услови за отпочнување на изградбата, односно да обезбеди приклучок за електрична енергија и водоводно снабдување на локацијата  каде ќе се гради градинката ова година а веќе во 2021 да биде целосно опремена и ставена во функција

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.