Вокално инструменталниот состав „Стихири“ Струмица кој функционира четири години во рамките струмичката епархија при МПЦ ја негува духовната музика. Маја Витанова која е одговорна, вели дека овој состав во моментов брои 35 членови од кои 15 се инструменталисти додека останатите членуваат во хорот. Овој состав е неизбежен дел од Божиќниот концерт на струмичкиот плоштад но и за голем број хуманитарни настани и манифестации.
Членовите на „Стихири“ пробите ги одржуваат речиси секој викенд претежно во просториите на Фондацијата „Елеуса“ а се интензивираат пред одредени концерти. ВИС „Стихири“ во моментов ги обединува младите да ја негуваат и промовираат духовната музика а паралелно и македонската чалгиска музика бидејки во составот има професионалци кои свират канон, ут, хармоника.
Со Маја Витанова од ВИС „Стихири“ разговаравме за време на Велигденските празници. Таа кажа дека расте интересот кај младите да се вратат кон своите корени и да ја негуваат македонската чалгиска но и духовна музика.
Паралелно членовите на овој состав се и големи хуманитарци бидејки нема хуманитарен настан а да не бидат дел со своја програма.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
