Академија Пандев има срце, има карактер и ќе го покаже најдоброто против Зрински, вели Тренчовски пред мечот со босанците

1788

Академија Пандев во Скопје на арената Тодор Проески го одработи последниот тренинг пред дуелот со шесткратниот шампион на Босна – Зрински од Мостар во рамките на првото квалификациско коло од Лигата на европа. Дуелот Академија Пандев- Зрински се игра утре на 11 јули со почеток во 19 часот со што ,,пандевци’’ отвараат нова страница имајки во предвид дека дебитираат на евросцената. Југослав Тренчовски смета дека Зрински е фаворит во сите погледи имајки во предвид титулите што ги има освоено но и настапите во Лигата на Шампиони но и во Лигата на Европа

,,Според мене искуство е нивната најголема предност. Физички многу добро подготвен тим кој го имат Вукас како тренер кој е искусен и има работано како помошник на Игор Тудор во Галатасарај во Хајдук,. Тука е Јаковлевик централниот одбрамбен играч кој дава тон на целиот тим. Не смееме да го заборавиме централниот напаѓач Хаџиќ. Станува збор за тим кој физички е доминантен и агресивен во средната линија и настапува во формација 4 3 2 1  со многу густа средина и знае да излезе високо на противничката половина. Дефинитивно тие се фаворити пред се заради нивното искуство но јас сум убеден дека нашиот тим има срце, има карактер и во двата дуели против Зрински ќе го покаже најдоброто,, рече Југослав Тренчовски

Последната натпреварувачка сезона Зрински беше втор во босанското првенство со 65 бода односо 19 победи 8 нерешени исходи и 6 порази а во Купот беа елиминирани од Сараево во четвртфиналето . Академија Пандев македонското првенство го заврши на третото место а ја освои КУП титулата. Победникот од овој двомеч во второто квалификациско коло ќе игра со Утрехт од Холандија. Срека на пандевци во понеделникот им посака и менторот на Академијата Горан Пандев кој посака во мечот против Зрински во Скопје струмичани да не примат гол

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.