Механизација на АД ,,Водостопанство’’ почна со санација на оштетеното корито на река Струмица на територијата на општина Босилово, откако реагираа и градоначалникот Ристо Манчев но и првиот човек на ЦУК Стојанче Ангелов кои завчера реагираа јавно. Се пристапи на санирање на коритото кај пиланата на излезот од општинскиот центар Босилово каде пред десетина дена најмногу се оштети. Таму се врши насип и зајакнување на речниот трап и се очекува во текот на утрешниот ден целосно да се санира.
Според информациите од градоначалникот на Босилово Ристо Манчев наредниве денови ќе се продолжи и со санација на оштетеното корито на река Струмица кај капцитетот Европа но и кај населеното место Еднокуќево за да се спречат поплави при надојдени атмосферски води. Засега како што подвлече Манчев не се чисти коритото од вегетација и наноси туку едноставно се санираат оштетените речни трапови кои беа детектирани како критични точки
Реката Струмица последен пат се чистеше во 2016 година. Од подружницата на АД Водостопанство апелираат до земјоделците да не фрлаат разновиден отпад во реката каде што најчесто завршуваат остатоци од градинарски култури и полиетиленско платно. Паралелно апелираат да не се врши и ископ на земја од речните трапови ниту пак песок или чакал од коритото со што се нарушува водотекот на реката.
Пред десетина дена реката Струмица се излеа при што поплави 30 тина објекти но и десетици хектари земјоделско земјиште најмногу на потегот меѓу населените места Босилово и Турново каде под вода беше и спортскиот комплекс на ФК Хоризонт Турново
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
