,,Пет пластика за цвеќе“. Ова беше мотото на еко акцијата што ја спроведе Локалниот младински совет на Босилово во сите населени места во општината при што беа доделени околу 2000 парчиња саксиско цвеќе за пет пластика. Стотици граѓани донесоа пластични шишиња кои може да се рециклираат а за возврат добиваа цвеќиња. Ова е втора слична акција откако пред неколку денови се спроведе акцијата пластични шишиња за овошни садници, која трета по ред ја спроведува општина Босилово откако реши парите за новогодишен репрезентативен матријал ги насочи во еко акција.
Целта на ова акција како и онаа претходната кога се делеа овошни садници за пластика е да се намали пластиката во депониите во Општина Босилово но и да се потикне навиката за селекција на отпад кај граѓаните посебно кај младите
Еко акцијата „Пет пластика за цвеќе“, се спроведува во рамки на проектот ,,Млади за инклузија , еднаквост и доверба ,, финансиран од фондот на Обединетите Нации. Покрај младинскиот совет, во реализацијата на проект како партнери се вклучени општина Босилово и трите основни училишта. (В.Трајков/ фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
