Ќе се регулира и уредува речниот канал во Градашорци, општина Василево доби пари од државата

1659

Деновиве општина Василево ќе го распише тендерот за регулација и уредување на речниот канал  во населеното место Градашорци, по добиените средства од министерството за животна средина во висина од 6 милиони и 522 илјади денари. Договорот меѓу општина Василево и министерството за животна средина и просторно планирање беше потпишан минатата недела, откако локалните власти на Василево конкурира за средства од Програмата за управување со водите за 2020 година  по претходно изработен проект за таа намена.

,, Врз основа на наша апликација, добивме средства од министерството за животна средина. Ќе се регулира и уреди реката која поминува сред населното место Градашорци почнувајки од кај селските гробишта па се до излезот на селото на спротивната страната. Станува збор за околу 650 метри речно корито кое целосно ќе биде исчистено при што ќе добие бетонирана подлога и страни, слично како што се изработи регулацијата на реката во Сушево,, ни изјави Марјан Јанев градоначалник на општина Василево.

Според потпишаниот договор реализацијата на овој проект се очекува да заврши до крајот на ова година а средства министерството за животна средина ќе ги префрли директно на изведувачот, кој на распишаниот тендер ќе достави најниска цена и ќе биде  избран за изведувач на работите за регулација на реката.

При обилни врнежи од дожд и надојдени води од кај пределот на Едрениково, овој канал  во Градашроци знае да се излее и да предизвика поплави и проблеми за домакинствата и посевите во ова населено место. Речниот канал во моментов е обрасната со шамак и трева. Целиот проект за регулација на река во Градашорци чини 8 милиони и 673 илјади денари а 75 одсто од ова сума, општината ги обезбеди од министерството за животна средина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.