ЛД ,,Фазан’’ од Василево со песна, оро, награди и ловџиски пушки организираше ловечка вечер (ФОТО)

4041

Со многу забава и богата лотарија – ЛД „Фазан“ од Василево ја заврши последната ловна сезона при што членовите ловџии си посакаа здравје и унапредување на ловството и во наредните години на терените со кои стопанисува ова ловно друштво. На традиционалната ловечка вечер што се одржа во „Мис Стон“ присуствуваше и Влатко Алексовски претседател на Ловечката федерација на Македонија кој посочи дека ЛД „Фазан“од Василево е едно од најактивните во земјава во поглед на заштита и унапредување на ловството а беа пристуни и Зоран Вујич и Трајче Ангелов инспектори по лов и Томе Весев началник на СВР Струмциа.

На ловечката вечер им се обрати претседателот на ЛД „Фазан“ од Василево Ице Стоев кој го изрази задоволството од постигнатите резултати на ова ловно друштво за последната сезоа а на гостите им се обрати и првиот човек на Василево Славе Андонов кој подвлече дека како Општина ќе даваат поддршка на сите активности на ЛД Фазан.

На ловечката вечер во Василево беа доделени голем број награди но и шест полуавтоматски пушки Хугло обезбедени со спонзори. Нив ги добија Киро Ѓеоргиев од Добрејци – Општина Струмица, Ристо Стојанов од Покрајчево радовишко, Благој Наков од Градашорци – Општина Василево, Горан Карадачки од Русиново беровско, Усеин Дервишев Коџалија радовишко, Даниел Фидански од Св. Николе. Сите тие беа дел од забавата што ја приреди Билјана и Боро со нивната група.

Во соработка со продукција ТОНИ ФОТО САРА – низ фотографии добитниците на ловџиските пушки но и атмосферата на ловечката вечер на ЛД „Фазан“ од Василево.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.