Ќе се реконструира дел од патот до браната Турија, Општина Василево и Центарот за развој на Југоистокот потпишаа договор

892

Општина Василево заедно со Центарот за развој на Југоисточниот плански регион потпишаа договор за реконструкција на дел од патот до брана Турија. Станува збор за патен правец кој е во лоша кондиција а делницата која се планира да биде санирана и асфалтирана е во очајна состојба. Средствата за реализација на овој проект во висина од приближно 14 милиони денари се обезбедени од Агенцијата за финансиска подршка на земјоделството и руралниот развој но и од Буџетот на општина Василево

,,Овој проект беше избран како приоритетен проект од страна на Советот за развој на Југоисточниот плански регион на 15 август, минатата година за кој Центарот за развој на Југоисточниот плански регион поднесе Барање за користење на средства од Програмата за финансиска поддршка на руралниот развој за 2018 година до Агенцијата за финансиска поддршка во земјоделството и руралниот развој од мерката  Зачувување и унапредување на традиционалните вредности во руралните средини,, информираа од Центарот за развој на Југоисточниот плански регион.

Според договорот се планира реконструкција на патот од околу 800 метри. 11 милиони и 820 илјади денари се од Програмата за финансиска подршка на руралниот развој а 2 милиони и 140 илјади денари се планира да бидат обезбедени од Буџетот на општина Василево

,, Од раскрсницата кон Добрашинци до браната Турија патот е во доста лоша состојба иако ова вештачко езеро е еден од нашите туристички потенцијали. На барање на граѓаните пристапивме кон решавање на овој проблем. Ќе се реконструира најоштетената делница од патот до оваа брана која се користи за рекреација, риболов но се обезбедува вода за две општини. Следува постапка на распишување на тендер за избор на изведувач по што ќе се пристапи кон асфалтирање’’, ни изјави градоначалникот на Василево Марјан Јанев кој заедно со раководителката на Центарот за развој на Југоисточниот плански регион го потпишаа договорот за реализација на овој проект

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.