Советот на Општина Струмица го донесе ребалансот на Буџетот на Општина Струмица кој од првичините 1.738.486.081.00 денари е намален за 4 милиони и 63 илјади денари. Паралелно советниците направија одредени измени во буџетските ставки при што парите во едни се намалија во други се зголемија.
Најмногу намалување има од буџетската ставка ЈГА изградба на системи за водоснабдување која ќе биде „полесна“ за 12 милиони денари а 7 милиони помалку ќе има ставката ЈИА изградба на системи за одведување и прочистување на отпадните води. Кратења на ставки има и во други програми
Наспроти тие ставки најмногу паари со ребалансто се дадени на ставката Ј1 Комунални дејности која се зголемува за 14,5 милиони денари. Од оваа ставка општината планира да ги покрие трошоците за набавка на озонатор за испорака на повкалитетна вода за пиење но и за ново комунално возило за собирање отпад. Повеќе пари се предивдени и програмите В1 Детски градинки и ЈП Градскиот превоз. За двете програми се одобрени дополнителни 7 милиони денари . (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
