Фото и видео – Пеевме од срце за Стојче и сите хумани луѓе, вели Саше по хуманитарната забава во Градашорци за Стојче

1661

Во Домот на културата во Градашорци општина Василево,  Санде од ,,Алегро Бенд’’ и Саше Митев со ,,Стакато Бенд’’ одржаа хуманитарна забава за младиот Стојче Јовановски од ова населено место, на кого му се потребни околу 30 илјади евра за трансплатација на матични клетки и физикална терапија во Нови Сад во Србија. Саше вели дека забавата поминала во најдобар ред и дека голем број млади дошле да донираат средства кои ќе бидат искористени за лекување на 21 годишниот Стојче.

,, Задоволни сме. Пеевме од срце за Стојче и сите хумани луѓе кои дојдоа и донираа за подобра иднина на еден наш сограѓанин. Наша цел е да се сплотиме како млади тогаш кога е најпотребно. Дадовме идеја вакви забави да направиме и по други населени места за да се соберат потребните средства оти Стојче треба да ја искористи шансата да застане на нозе,, ни изјави Саше Митев од ,,Стакато Бенд,,

Младиот струмичанец Стојче Јовановски од Градашорци кој се повреди во сообраќајка, веќе цела година се обидува да застане на нозе. Кај него се констатирани повреди  на рбетниот столб при што надежта да прооди ја гледа во пресадување на матични клетки и физикална терaпија во Нови Сад – Србија за што се потребни околу 30 илјади евра. Семејството Јовановски ги нема овие средства па апелира до сите хумани луѓе да помогнат и 21 годишниот Стојче да застане на нозе

Броеви за донации преку СМС на: 143-155 Телеком   143-488 ОНЕ/ВИП

Денарска трансакциска сметка број:  210-5017032477-84 НЛБ Банка, на име Стојче Јовановски.

За донирање од странство на девизна сметка:

Stojce Jovanovski   IBAN CODE: MK07210501703247784    SWIFT: TUTNMK22

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.