Здружението „Европско движење на РМ“ во соработка со ООУ„Крсте Мисирков“ од Гевгелија по повод Денот на Европа во Гевгелија организираа ликовен натпревар на тема „Мојот омилен град во ЕУ“ на кој учествува триесетина ученици .
Настанот се случи на градскиот плоштад во Гевгелија каде што учениците твореа, околу Ајфеловата кула- макета што ја изработија учениците од ова училиште од рециклиран материјал, под менторство на директорот Миле Петров инаку поранешен ликовен наставник.
Ајфеловата кула од пластични капачиња беше избрана минатата година меѓу петте најдобри експонати на изложбата на детски ликовни и уметнички творби од отпад од пакување, изработени од 50 ликовни секции од основните училишта во Македонија, Србија, Црна Гора и Босна и Херцеговина.
Ова макета беше поставена за Денот на Европа а учениците кои твореа на тема „Мојот омилен град во ЕУ“ ги посети и градоначалникот на Гевгелија Сашо Поцков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
