Фатен радовишанец кој наводнувал ниви со вода за пиење, забележани енормни кражби на вода и во Ињево, Восилавци….

1084

ЈП ,,Плаваја” од Радовиш на својот ФБ профил објави и фотографии од извесен радовишанец кој ја наводнувал својата земјоделска површина со вода за пиење од водоснабдителниот систем. Против него ќе биде поднесена соодветна пријава преку комуналната инспекција. Реакцијата на радовишкото комунално кое апелира на совесност до радовишани е заради енормното зголемување на потрошувачката на вода која пак не се евидентира низ броилата а најизразена е во Восилавци и Ињево.

,,Екипи на ЈП„Плаваја“ Радовиш се постојано на терен и се трудат да ги пронајдат крадците особено во населените места Ињево,Воиславци и сите други каде конзумната количина е зголемена 430%, а не се евидентира како измерена преку водомерите со далечинско отчитување, што значи се краде и се употребува против законски без мерни уреди за полевања и наводнувања,, соопштуваат од Плаваја од каде бараат граѓаните да ги пријават несовесните крадци

Радовишкото комунално претпријатие Плаваја апелира до граѓаните од општина Радовиш, водата за пиење од системот да не се користи за полевање на и наводнувања на обработливи површини. Според објавениот ФБ статус овие денови е регистрирано енормно зголемување на потрошувачката на вода која пак не се евидентира низ броилата, што според комуналното е чиста кражба на вода за пиење за други намени.

,,Додека Вие таквите несовесни корисници и крадци на вода ги полевате Вашите насади кај нашите корисници кои живеат на високите зони, некоја мајка плаче затоа што нема вода да го избања своето дете и да му приготви јадење, некои младинци се нервираат и одат по роднинските куќи за да се истушираат пред да излезат на прошетка додека вие ги туширате Вашите насади со украдена вода!,, стои во известувањето од Плаваја кој им соопштува на радовишани ако не се пријават крадците на вода можни се рестрикции

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.