Ученици од осмо и деветто одделение при ООУ „Мануш Турновски“ од Ново Село под менторство на професорите Владо Ефтимов и Надица М. Ангелова добија награда на „Детските РАЦИНОВИ Средби“ кои по 57 пат се одржаа во Велес. Нивното видео на темата ,, Мене и душата ми е црвена“ ја доби наградата за најдобра режија во кое младите основци преку црната, црвената и жолтата боја го отсликуваат македонскиот непокор.
,,Станува збор за мултимедијален проект во кој требаше да понудиме наши видувања за темата. Вкупно 11 ученици се дел од проектот во кој носат црна, црвена и жолта облека. Црна во која преку стихови го отсликуваат тешкотијата на македонскиот народ, црвената ја отсликува крвта на Рацин и неговиот револуционерен дух како и жолтата која преставува ново сонце, надеж,, ни изјави Владе Ефтимов.
На Детските Рацинови Средби во Велес, награда понесе и Љубица Бансколиева од ООУ,,Видое Подгорец “ од Колешино која со својата менторка Марија Брндевска освоија трето место за најдобра литературна творба.
Сите овие деца и професори денеска беа примени од градоначалникот на Ново Село – Ѓорѓе Божинов. Тој го изрази задоволството што младите од општина Ново Село ја покажале својата креативност на Рациновите средби во Велес при што најави дека ќе предложи на советниците награда за секое дете од 3000 денари.
,,Наставниците и учениците го презентираа своето постигнување, за што срдечно им се заблагодарив за достојното претставување на општината, поради што им соопштив дека ќе поднесам предлог-одлука до Советот на општина Ново Село за наградување со паричен износ од 3.000 денари во знак на благодарност. Тоа ќе претставува и поттик за уште поголеми достигнувања во иднина, како и за уште попосветено раздавање во идни натпреварувања,, напиша градоначалникот на Ново Село Ѓорѓе Божинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
