Улиците во Николиќ, Фурка и Црничани ќе бидат готови за 2 месеци а ќе се реконструираат улици и во Стар Дојран

776

Министерот за транспорт и врски Благој Бочаврски и градоначалникот на општина Дојран Анго Ангов, денеска извршија увид во реконструкција на трите локални улици во населените места Николиќ, Фурка и Црничани . Се работи за улици кои се дел од “ Проектот за рехабилитација на улици и локални патишта” во општините а денеска е потпишан Договор за реконструкција на улиците Никола Карев и Јане Сандански во Стар Дојран во должина од околу 1000 метри.

“ Денеска со министерот Благој Бочварски ги посетивме населените места Николиќ, Фурка и Црничани кои се реализираат со средства од Министерството за транспорт и врски. Очекувам за два месеци истите да бидат комплетно завршени. Паралелно потпишавме договор и за реконструкција на Никола Карев и Јане Сандански во Стар Дојран улица во должина од околу 1000 метри. Значи севкупно имаме обезбедено околу 35 милиони денари за реконструкција на улици во вкупна должина од околу 5 километри со овозможуваме подобри услови за живот и за граѓаните и за сите туристи кои го посетуваат Дојран” ни изјави градоначалникот Анго Ангов

Преку проектот за локални патишта во општините до сега рехабилитирани се преку 180 локални улици и патишта во над 60 општини, соопштија од Министерството за транспорт и врски (В.Т)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.