Викендов на 31 јули и 1 август на паркиралиштето на Гранит во Дојран ќе се одржи првото издание на ,,Мандра Фестивал’’ под мотото ,,Еден фестивал за сите генерации’’ на кој ќе настапат повеќе музички имиња како од земјава така и од Балканот. Како што објавија организаторите на официјалната ФБ страна, станува збор за open-air музички фестивал, кој ќе на публиката ќе и го понуди најдоброто од Балканот.
На првата музичка вечер, на програмата се Петар Грашо, Пајак и Адил додека на втората фестивалска вечер ќе бидат Жељко Самарџиќ, Луна и Тракер, Раста и Блу Бенд. Различни жанрови за сите музички вкусови покрај Дојранското езеро велат организаторите а водител на настанот е Миро Кацаров.
,,Дојран е одлична дестинација доколку сакате езеро, добра храна и одличен фестивал … Дојдете заедно да се забавуваме на фестивалот на кој ќе настапи најдоброто од Балканот,, соопштуија од Мандра Фестивал
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
