Турски чочек во сала Парк, Токат од Турција победник на Балканскиот Куп во Струмица – Џио сребрен !

610

Одбојкарите на турски ,,Токат” го освоија првото место на Балканскиот клупкси Куп во Струмица откако во третото коло забележаа победа против ,,Џио Струмица” со 3:0  во сетови и со две победи тие се најуспешниот тим на оваа натпреварување во организација на БВА – Балканската одбојкарска асоцијција. Тие освојувањето на турнирот го прославија со чочек на паркетот на спортската сала Парк откако домаќините им пуштија музика и се радуваа на освоеното прво место што им носи пласман во ЦЕФ Челенџ Купот против унгарскиот вицешампион. Тие без изгубен сет го освоија Балканскиот клупски куп и докажаа дека се фавороти на овој турнир

Струмички Џио не успеа да се спротистави во турски Токат во ниту еден момент. Лошиот прием и грешките во организација на играта кај домакините резултираа со постојана доминација на Токат во чии редови блексаше Чернокозев, Начиоглу и Булбул кои предизвикаа низа проблеми за составот на Кире Ричлиев.

Турците првиот сет го добија убедливо со 25:11. Во вториот струмичани парираа до 10- тиот поен но немаа сили да го издржат налетот на Токат кој функционираше одлично на сите линии. Во третиот сет неизвесноста траеше до финишот но гостите од Турција не дозволија изненадување и го добија со 25:20 за конечни 3:0 во сетови

Второто место и среброто го освоија домакините одбојкарите на Џио, додека трети на турнирот беа косовскиот шампион Приштина Волеј

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.