На површина од 625 метри квадратни Струмица доби зелен лавиринт во форма на срце кој се наоѓа во кругот на Домот на АРМ. Лавиринтот е од зимзелени дрвца високи околу половина метар за што од страна на ЈПКД Комуналец беа засадени околу 270 садници како идеја и иницијава на децата и младите. Во центарот на лавиринтот има две клупи за одмор
„Лавиринтот е долг 190 метри на површина од 625 метри квадратни. Идејата е на децата, поддржана од мене, како градоначалник, а реализирана од ЈПКД „Комуналец“. Испраќаме силна порака: за чиста Струмица ни треба висока еколошка свест и многу работа. Од срце за поубава и почиста Струмица“, објави градоначалникот Костадинов
Првиот човек на ЈПКД Комуналец Зоран Ѓеоргиев најави дека новото зелено катче во Струмица ќе биде постојано под контрола од чуварите но апелираше и до граѓаните да го чуваат бидејки станува за општо добро на заедницата.
На денешниот настан присуствуваа голем број на дечиња но и ученици кои облечени во бели маички и капи испратија порака за повеќе зеленило и чиста Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
