„Борис Трајковски го имаше во себе златниот универзален клуч кој ги отвора сите порти. Претседателот го знаеше добро познатиот и испробан рецепт кој вели дека проблемите треба да се постават врз постулатите на дијалог, доверба и толеранција“ Вака кажа градоначалникот на Струмица Костадин Костадинов на одбележувањето на 68 годишнината од раѓањето на вториот македонски Претседател Борис Трајковски пред споменикот ,,Македонија“ во големиот градски парк.
,,Тој рецепт знаеше и да го примени, притоа ставајќи се самиот себе и како влог, и како заложник, и како гаранција на страната на вистината, во спрега со вистинољубивоста и со безрезервната преданост на силната верба во човековата вредност, без разлика на неговата национална припадност, политичка ориентација или верска определба“, кажа градоначалникот Костадинов
Членови на потесното семејство на Борис Трајковски, градоначалникот Костадинов, претставници од Советот на општина Струмица, како и претставници на политички партии и институции, положија свежо цвеќе пред споменикот „Македонија“изведоа пригодни стихови во чест на Претседателот Трајковски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
