Весело и разиграно беше на свадбата на одбојкарот Ристе Николов кој игра за Џио Струмица а беше во центарот на вниманието со македонската одбојкарска репрезентација и на последното Европско првенство во Словенија. Ристо со Драгица се сврши пред повеќе месеци но заради професионалните настапи на Николов, свадбата ја правеа викендов во хотелот Сириус каде присуствуваа над 400 гости, пријатели, спортски работници и одбојкари
Ристо и неговата избраничка Драгица место со традиционален валцер, свадбата ја започнаа со свој перформанс, заради што изнудија аплаузи од сите присутни како што добива Николов на терените со неговите поени како центар на мрежа бидејки игра на позиција среден блокер
Откако почна забавата со бендот ,,Маестро’’ од Скопје сите станаа на оро за да се круниса љубовта меѓу Ристо и Драгица. Војче на хармоника, Илија на виолина заедно со Санде на кларинет од ,, Маестро ‘’ ја вжештија атмосферата. Се играше и пееше по што младите наздравија речиси со сите гости за да им се заблагодарат за присуството на нивната веселба
Највесели беа другарите на Ристо но и неговите колеги одбојкари кои почнаа и да пеат во чест на Ристо и Драгица кои ги почитуваа сите обичаи и адети за една традиционална македонска свадба
Фото – Perfect Wedding Studio Штип
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
