Руски кормилар ќе ја спасува Беласица да остане во прволигашките фудбалски води !

302

Откако Ѓоре Јованоски по три официјални меча си поднесе оставка, управата на ФК Беласица го назначи искусниот  Андреј Чернишов за нов шеф на стручниот штаб кој зад себе има огромно играчко и тренерско искуство. Чернишов нема да го води тимот во утрешниот дуел против Академија Пандев  туку ќе ги следи синобелите од трибина за а ги детектира сите слабости и предности на Беласица која ова е најзрел кандидат за преселба во понизок ранг на антпреварување

Како што напиша ФК Беласица на својата ФБ страна – Чернишов како играч настапувал за клубовите Динамо Москва, Спартак Москва, Штурм Граз, ПАОК како и за репрезентацијата на СССР, па подоцна и Русија, а се закити со шампионски титули во руското првенство, австрискиот куп, Европско првенство до 21 година. Беше и 3 пати прогласуван за најдобар дефанзивец во руското првенство и еднаш прогласуван за најдобар странски играч во Австрија.

Богатата тренерска кариера ја започнува во репрезентацијата на Русија до 21 година, каде под негово водство беа промовирани фудбалери како Андреј Аршавин, Игор Акинфеев, Роман Павличенко, Јури Жиркоф, Александар Кержакоф. Својата кариера ја продолжува како прв асистент на репрезентацијата на Русија, за подоцна да седне на кормилото на Спартак Москва. Во своето CV како шеф на стручен штаб ги придодава и екипите на Динамо Тбилиси, Спартак Суботица, како и неколку екипи од Саудиска Арабија и Кувајт.

Андреј Чернишов е четвртиот кормилар ова сезона во ФК Беласица. Претходно струмичките сино бели ги водеа Ване Милков, Шефки Арифовски и Ѓоре Јовановски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.