До крајот на месецов или почетокот на јуни треба да биде готова пешачко – велосипедската патека Богданци – Честе Јавори кај Паљурци со вкупна должина од 2 650 метри. Станува збор за проект кој општина Богданци го изработи а средствата во висина од 158 илјади евра ги обезбеди од Агенцијата за финансиска поддршка во земјоделството и руралниот развој. Екипи на гевгелиската Алфа проект кој што понуди најниска цена по распишаната јавна набавка, овој период го исчистија теренот од растенија и дрвја, извршија порамнување на истиот и со вградување тампон се редат бехатон плочки и мали рабници.
,, Ова е првата фаза од овој проект со оглед дека нашата намера е да ја продолжиме оваа пешачко велосипедска патека до браната Паљурци. Како општина работиме на обезбедување средства за останатите 2 000 метри до браната. Сакаме Богданци со браната Паљурци како излетничко место, да ја поврземе со патека за рекреација. Не се исклучува можноста и поставување урбана опрема и осветлување на ова патека но наша приоритетна цел е целосна изградба на истата па потоа да работиме на дополнителни содржини на ова патека,, ни изјави градоначалникот на Богданци Блаже Шапов.
Како што не информираше Шапов досега се изведени околу 1500 метри до локацијата Честе Јавори и се надева дека изведувачот ќе го запази договорениот рок. Општинските власти во иднина планираат и поставување на урбана опрема како клупи за одмор, корпи за отпадоци но и да подигне јавни зелени површини на локации каде може да се реализира истите, за што ќе работат на обезбедување средства како од сопствениот Буџет така и од националните и меѓународни фондови и програми што ќе се распишуваат.
,, Ова ќе биде дополнителна содржина за жителите на Богданци кои сакаат да се рекреираат и се надевам дека ќе биде доста посетувана и ќе се води грижа за неа. Ние како што кажав, прво да ја реализираме ова прва фаза од патеката а потоа ќе бараме средства за да се комплеитра целата патека. Потоа да можеме да пристапиме кон оплемнување на истата и поставување на дополнителна опрема,, ни изјави Блаже Шапов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
