Ракометниот меч Македонија – Грција во Струмица на 16 јуни, ќе се игра за победа и потврда на пласманот на ЕП догодина

712

Македонската ракометна сениорска селекција последниот меч од квалификациите за пласман на ЕП 2020 против репрезентацијата на Грција ќе го игра во салата ,,Парк’’ во Струмица. Овој натпревар првично беше планирано да се игра во Скопје но како што пренесоа повеќе медиуми тој ќе се одигра во Струмица на 16 јуни со почеток во 18 часот

Од таа причина деновиве почнаа работите за подготовка на салата ,,Парк’’ во Струмица, во функција на исполнување на сите критериуми за одигрување на овој меѓународен натпревар од квалификациите за пласман на ЕП во ракомет.

Македонија на тој натпревар треба да го верификува пласманот на првото место и воедно да се реваншира за поразот што го доживеа во Кожани на почетокот на квалификациите во октомври минатата година. Пред мечот со Грција на 12 јуни, Македонија ќе гостува во Турција натпревар кој ќе се игра во Ескишехир.

Во квалификационата група, македонските ракометари беа со селекциите на Исланд, Турција и Грција а Европското првенство догодина ќе се игра во три земји Норвешка, Шведска и Австрија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.